Гарадок

30 чэрвеня зранку дэмакратычны актывіст Александр Жыткевіч  распачаў галадоўку пратэсту супраць мясцовай улады і кіраўнікоў арганізацый Гарадоччыны, якія адмовілі яму ў сродках да існавання

Асуджаны на падставе сфабрыкаванага запісу ў кнізе скаргаў да трох гадоў абмежавання волі і пазбаўлення права працы на два гады Александр Жыткевіч на працягу трох тыдняў не можа знайсці працу ў гаспадарках Гарадоцкага раёна. Аляксандр звярнуўся у чатыры гаспадаркі раёна: КУСГП імя Свердлава, КУСГП "Чыгуначнік", ААТ "Гарадоцкі РАПЗ" і СГК "Сцяпанавічы" і ніхто з кіраўнікоў гаспадарак не прыняў яго ні на якую працу. Між тым у Гарадоцкім раёне маецца вольных вакансій каля 75 адзінак, і з іх каля 20 адносяцца да некваліфікаванай працы.
Апошняя адмова прыйшла раніцай 30 чэрвеня  з СГК "Сцяпанавічы", які размешчаны за 40 км ад Гарадка і дзе патрэбны рабочыя рукі.
Адначасова з гэтым 29 чэрвеня старшыня суда Гарадоцкага раёна Аляксандр Ляшковіч не задаволіў зыск маладога спецыяліста, сіраты да газеты "Гарадоцкі веснік" і журналісткі Людмілы Мукамол па абароне гонару і годнасці ў сувязі з публікацыяй ад 10 сакавіка, дзе быў размешчаны словы супраць зубнога фельдшара з Бычыхінскага ФАПа, які быццам браў грошы за лячэнне зубоў. Дадзеную адмову і парушэнні сваіх правоў спадар Жыткевіч будзе абскарджваць у іншых інстанцыях.
У гэтых умовах сітуацыя Жыткевіч прыняў рашэнне прыцягнуць увагу грамадскасці да пазбаўлення яго сродкаў існавання уладамі Гарадоцкага раёна. Аляксандр звярнуўся з заявамі да дырэктара Гарадоцкага цэнтра занятасці і начальніка Гарадоцкага РАУС з заявай аб пачатку галадоўкі прадэста супраць свавольства мясцовых уладаў і кіраўнікоў арганізацый, якія пазбавілі яго сродкаў існавання.
Сваім прадстаўніком ў арганізацыях раёна  Жыткевіч абраў праваабаронцу, сябра Рады ПАГА "Рух "За  Свабоду!" Леаніда Гаравога.
Салідарныя з Аляксандрам Жыткевічам грамадзяне Беларусі і свету могуць звязацца з ім па тэлефоне: +375213935031, напісаць на адрэсу: в. Быкі, вул. Савецкая д.4, кв.2, Гарадоцкі раён, .211570. Сувязь з прадстаўніком Аляксандра Жыткевіча Леанідам Гаравым па тэл. +375296723842.
Л. Антонаў



Жыткевіч піша плакат аб абвяшчэнні галадоўкі



10.40 30 чэрвеня 2009 г.Аляксандр Жыткевіч распачаў галадоўку пратэсту



Астаткі прадуктаў на пачатак галадоўкі