Гарадок :: Навіны :: Рэгіянальныя навіны

Пасля працяглай спёкі, якую не назіралі метэастанцыі на працягу ўсяго часу назірання, у нядзелю над Гарадоччынай пранёсся трапічны дождж. Пасля 20 гадзін вечару Гарадок і наваколле пакрылася чорнай хмарай, парывы ветра сталі дасягаць 30 м/с, пачалася навальніца, а з ёй дождж з градам. Пясчаная бура панавала ў Гарадку каля 10 хвілін, а потым пайшоў дождж з градам. Моцны вецер зламаў некалькі дзесяткаў дрэваў у Гарадку і яго ваколіцах, перакрываючы дарогі. Але абышлося без чалавечых ахвяр. Між тым пашкоджаны аўтамашыны ад падаючых дрэваў ды сапсаваны будынкі каля 20 грамадзян Гарадоччыны. Электрыкі мелі працу на ўсю ноч і дзень, выязджаючы на адключэнне небяспечных ліній і рамантуючы парваныя лініі перадач. У апошнюю чаргу рамантуюцца лініі, якія не маюць вялікага гаспадарчага значэння і належаць дачным кааператывам. Праца чакае таксама і леснікоў, якія павінны прыбраць паламаныя сосны, ялінкі якімі моцны вецер паабламаў верхавіны або вырваў з карэннямі.
Дарожнікі са сваімі абавязкамі ужо справіліся, ачысціўшы да раніцы навакольныя дарогі ля Гарадка. А ў работнікаў Белдзяржстраху будзе шчэ працы па вызначэнні памераў кампенсацыі стратаў пацярпелым грамадзянам Гарадоччыны.
Л. Антонаў

Пакінуць каментар