Гарадок

Пашпарты схаваць. Агітацыю пачаць.

У выбарчай кампаніі 2008 году па Віцебскай сельскай акрузе ідуць два кандыдаты ад улады.  Адзін --  дэпутат папярэдніх скліканняў, а другі ад абласных уладаў. Дзеля гэтых кандыдатаў улады выкарыстоўваюць і свой рабочы час і дадзеную уладу.

Па-першае, як і на папярэдніх выбарах працаўнікоў прымушаюць прынесці свае пашпарты на працу і там паставіць подпіс за кандыдата  ад улады. Гэта забаронена дзеючым Выбарчым кодэксам.

Па-другое, выбаршчыкам кажуць, што яны ужо прагаласавалі і больш не маюць права галасаваць. Такой дэзінфармацыяй шчодра кормяць выбаршчыкаў у працоўных калектывах, ды і па месцы жыхарства.

Па-трэццяе, каб больш дзейна супрацьстаяць альтэрнатыўнаму кандыдату  Леаніду Аўтухову у выбаршчыкаў забіраюць пашпарты после подпісу за праўладнага кандыдата. З гэтым сутыкнуліся сябры ініцыятыўнай групы у Гарадку, калі выбаршчыкі са школ горада, універмага, птушкафабрыкі казалі пра тое, што іх пашпарты па месцы працы.

Па-чацвёртае, кандыдат ад улады з Віцебску у кіраўніцтвам Гарадоцкага райвыканкама ужо распачаў выбарчую кампанію наведаўшы прадпрыемствы Гарадка пад час збору подпісаў.. У рабочы час кандыдат ад улады агітаваў за сваю кандыдатуру і прадстаўнікі райвыканкаму яго у гэтым падтрымалі.

Вось такое антыдэмакратычнае ноў-хаў прымяняюць улады у Віцебскай сельскай акрузе.