Гарадок

Актывіст “Руху за Свабоду!” Леанід Аўтухоў

Акруговая камісія, якая напрыканцы ліпеня зарэгістравала пяць ініцыятыўных груп па вылучэнню кандыдата у дэпутаты ПП НС РБ, сёння зацвердзіла кандыдатамі у дэпутаты толькі двух прытэндэнтаў: Леаніда Аўтухова, актывіста “Руху за Свабоду”  і Васіля Байкова, старшыню камісіі Віцебскага аблвыканкама па ахове прыроды і навакольнага асяроддзя.

 Спачатку спрабаваў вылучацца і былы дэпутат Палаты Валеры Лектараў, які не ведае дзяржаўнай беларускай мовы, але ён не падаў дакументы на рэгістрацыю, адчуўшы, што улады яго больш не падтрымліваюць.

Адначасова з ім спрабавалі зарэгістравацца і апазіцыйныя прадстаўнікі: Наталья Бялова (Еўрапейская кааліцыя) і Аляксандр Мікулін (Старшыня Віцебскай арганізацыі БСДП(Грамада)). Але прадстаўленыя імі дакументы выклікалі пытанні у акруговай камісіі на якія прытэндэнты не далі дакладных адказаў.

У вынікі разгляда пытання аб зацвярджэнні кандыдатаў у дэпутаты пасведчанні атрымалі толькі два прадстаўніка: Леанід Аўтухоў (старшыня Гарадоцкай арганізацыі Партыі БНФ) і Васіль Байкоў, на якога паставіла выканаўчая улада і якая сфарміравала участковыя камісіі у акрузе.