Гарадок

Раённыя газеты не інфармуюць выбаршчыкаў

Палатачныя выбары нецікавы не толькі выбаршчыкам, але і рэдакцыям раённых газет. “Гарадоцкія навіны(Гарадок) і “Герой працы” (Шуміліна) не змясцілі ніякіх матэрыялаў аб выніках рэгістрацыі кадыдатаў па Віцебскай сельскай акрузе №21. Будучы органамі выканаўчай і прадстаўнічай улады у раёнах, атрымліваючы датацыі з дзяржаўнага бюджэту раённыя газеты не змясцілі ніякіх матэрыялаў аб рэгістрацыі кандыдатаў.

Застаецца толькі здагадвацца чаму гэта адбываецца. Мусіць кандыдат ад улады ужо вядомы, а згадваць аб тым што другім кандыдатам стаў прадстаўнік Партыі БНФ Леанід Аўтухоў не дазваляе ідэалагічная цэнзура.

Ды і трэццяя раёнка – “Прыдзвінская праўда” (Віцебскі раён), змясціўшы інфармацыю аб выніках рэгістрацыі недакладна назвала працоўны статус кандыдата Леаніда Аўтухова  -- “не працуе”, прапусціўшы паняцце “часова”. Між тым, спадар Аўтухоў быў звольнены па палітычных матывах у красавіку 2008 году, калі быў абраны адзіным кандыдатам ад АДС,  і свае звальненне абскарджвае у судах, прайшоўшы дзве інстанцыі і чакае Азначэнне Віцебскага абласнога суда на дзяржаўнай беларускай мове дзеля абскарджванне яго у Вярхоўным судзе. Але з улікам палітычнай матываванасці звальнення спадар Аўтухоў плануе абскарджваць сваё звальненне і на міжнародным узроўні – у Камісіі па правах чалавека пры ААН, бо у Беларусі суды залежаць ад выканаўчай улады.