Гарадок

Атрымаць інфармацыю аб выкарыстанні бюджэтных сродкаў Гарадоцкім райвыканкамам

За апошнія гады у Гарадку, па меркаванню жыхароў, неаднаразова праводзіўся рамонт будынка райвыканкама, а таксама набываліся новыя аўтамабілі для яго кіраўнікоў. Колькі гэта каштавала народных грошаў выбаршчыкам невядома.

Кандыдата у дэпутаты па Віцебскай сельскай акрузе №21 Леанід Аўтухоў звярнуўся да старшыні Гарадоцкага райвыканкама Анатоля Мароза са зваротам, у якім задае старшыні наступныя пытанні:

1. Якія транспартныя сродкі і на якую суму набываліся для Гарадоцкага райвыканкама у перыяд з 2004 па 2008 гады?

2. Які склад аўтатранспартнага парку райвыканкама і колькі выдаткоўваецца  штомесячна дзяржаўных сродкаў на паліва для аўтатранспарта райвыканкама?

3. Колькі каштаваў рамонт памяшканняў Гарадоцкага райвыканкама за перыяд з 2004 па 2008 гады?

4. Якая аргтэхніка і на які кошт набыта для райвыканкама за 2004-2008 гады ( у зрэзе аддзелаў райвыканкама і гадоў набыцця)?

Наколькі адкрыта выкарыстоўваюцца бюджэтныя сродкі магчыма будзе даведацца з адказа райвыканкама.