БАЖ абвясціў фотаконкурс «Беларусь, якую заўтра мы не ўбачым»

Тры пераможцы конкурсу атрымаюць дыпломы і падарункі ад БАЖ.

ГА «БАЖ»

Конкурс мае на мэце прыцягнуць увагу журналістаў і грамадскасці да праблемы захавання гістарычнай спадчыны Беларусі. Да ўдзелу ў ім запрашаюцца не толькі сябры БАЖ, але і ўсе журналісты друкаваных і электронных беларускіх СМІ.

Спаборніцтвы пройдуць у два этапы: з 1 па 30 верасня 2007 году журы прымае работы, а з 1 па 15 кастрычніка праходзіць падвядзенне вынікаў конкурсу і ўганараванне пераможцаў.

Кожны ўдзельнік можа даслаць на конкурс не больш як 3 фотаздымкі, якія адлюстроўваюць праблематыку захавання гістарычнай спадчыны.

Пад фотаздымкам павінна быць пазначана: - імя і прозвішча аўтара; - кантактны тэлефон; - месца і час, калі быў зроблены здымак; назва здымка (пажадана).

- Фармат фотаздымкаў выбірае аўтар.

Фотаздымкі дасылаюцца ў электронным выглядзе на адрас: spadchyna@ximik.info

У тэме ліста павінна быць пазначана «Медыя-кампанія».

Работы ўдзельнікаў конкурсу будуць вывешаныя на Інтэрнэт-старонцы медыя-кампаніі «Журналісты за гістарычную спадчыну», дзе кожны наведвальнік зможа ацаніць іх па 5-бальнай сістэме. Той фотаздымак, які набярэ найбольшую колькасць галасоў, атрымае спецыяльны прыз.

Журы будзе звяртаць асаблівую ўвагу на адпаведнасць тэматыцы і актуальнасць конкурсных фотаздымкаў.

Лепшыя фотаздымкі канкурсантаў увойдуць у экспазіцыю выставы «Беларусь, якую заўтра мы не ўбачым».