Гарадок

Паўлу Севярынцу прысудзілі 17 сутак і 620 тысячаў штрафу

Паўла Севярынца зьвінавацілі ў арганізацыі мітынгу ў падтрымку Яраслава Грышчэні на ганку суду. Па-другое, у судзе ён заявіў, што суд у Беларусі ня можа быць законны, таму ён яму не давярае. Дадатковыя 2 сутак прысудзілі за тое, што ён, паводле міліцыянтаў, "сьвістаў у сьвісток", што было расцэнена як дробнае хуліганства.

П.Севярынец будзе адбываць зьняволеньне ў Баранавічах у ізалятары часовага ўтрыманьня.

Прысуд Яраславу Грышчэню будзе абвешчаны заўтра, паседжаньне пачнецца ў 9.30 раніцы. Яму пагражае да 6 месяцаў арышту, але некаторыя юрысты мяркуюць, што ён ня будзе зьняволены. Большасьць дзеяньняў, у якіх яго абвінавачваюць, ён зьдзейсьніў, калі яшчэ ня меў 18 гадоў. Да таго ж, ягоныя паплечнікі, якіх судзілі ў Салігорску і Нясьвіжы, не былі пакараныя зьняволеньнем.